გრიბოედოვის სახელობის თეატრი

დაიბადა 1965 წლის 9 იანვარს.

დაამთავრა შ. რუსთაველის სახელობის საქართველოს სახელმწიფო თეატრისა და კინოს ინსტიტუტი (დრამის რეჟისურის სპეციალობა) და გრენობლის მენეჯმენტისა და პერფორმანსის საერთაშორისო აკადემია UniMan (ხელოვნების მენეჯმენტის სპეციალობა).

შ. რუსთაველის სახელობის საქართველოს თეატრისა და კინოს სახელმწიფო უნივერსიტეტის დრამის კათედრის დეკანი, ასოცირებული პროფესორი და ხელოვნებათმცოდნეობის დოქტორი.

დადგმული აქვს 80-ზე მეტი სპექტაკლი. რუსთაველის თეატრში - „ირინეს ბედნიერება“ (დ. კლდიაშვილი), „დამშვიდობება“, „კონცერტი“ (ა. ენუქიძე), „კაცია ადამიანი“ (ი. ჭავჭავაძე). მარჯანიშვილის თეატრში - „სოლომანი“, „თოვლივით თეთრი“ (ლ. თაბუკაშვილი). რუმინეთის, თურქეთის, რუსეთისა და პოლონეთის თეატრებში (ვროცლავის ვსპოლჩესნის თეატრში - „ალუბლის ბაღი“ (ა. ჩეხოვი); ოპოლეს კოჩანოვსკის თეატრში - „სტრინდბერგის თამაში“ (ფ. დიურენმატი), „ამხანაგი ოქტომბერი“ (კ. ვიერჟინსკი) - პიესამ „კლასიკა პოლსკას“ ფესტივალზე წლის საუკეთესო სპექტაკლის პრიზი მოიპოვა).

2014 წლიდან 2022 წლამდე ის ი. ჭავჭავაძის სახელობის ბათუმის დრამატული თეატრის სამხატვრო ხელმძღვანელი იყო.

შემდეგი ჯილდოების მფლობელი: „საუკეთესო რეჟისურა“ ქართული თეატრალური ფესტივალი(1988); „საუკეთესო რეჟისურა“ ოქროს ნიღბის საერთაშორისო ფესტივალი (თბილისი) (2000).

მას დაწერილი აქვს პიესები, რომლებიც იდგმება საქართველოს თეატრებში და იბეჭდება ლიტერატურულ ჟურნალებში. მის პიესებს „ექსპერიმენტი“ და „ხვალ - პრემიერა“ მიენიჭა საქართველოს კულტურისა და ძეგლთა დაცვის სამინისტროს პრიზები.

გრიბოედოვის თეატრში დადგა შემდეგი სპექტაკლები:

ჰანს ქრისტიან ანდერსენის „პრინცესა და ღორების მწყემსი“ (2005) (გ.)

ბ. შოუს „ბედის რჩეული“ (2006)

ია. დობრევა (2008)

„Dostoevsky.ru“ (2009)

მ. ლერმონტოვის „მწირი“ (2011)

„ალუბლის ბაღი“ (სცენური ადაპტაცია ა.პ. ჩეხოვის კომედიის მიხედვით) (2014)

რ. გაბრიაძის „რა სევდაა! ხეივნის ბოლოს...“ (2022)

ა. პოტიომკინის „ბუკმეკერ-ექსპრესი“ (2023)

ჰ. ანდერსენის ზღაპრების მიხედვით - "ჭირვეული პრინცესა" (2024)

დ. ნოვაკოვსკის "ორთავ მხრიდან" - (2025)